Los Dracs s’agradan plan sus la pelena de St-Helens. Divendres al ser, los catalans dominèron los locals long del primièr temps e marquèron dos ensags per Vaccari e Escare, mas perdián Millard nafrat. Dins lo segond temps, Tomàs Bòsc enquilhèt doas penalitats. Mas los Sants tornèron a 12-16 amb un ensag a cinc minutas de la fin. Los Dracs bloquèron un atacant anglés a 10 centimètres de la rega. Puèi, Pryce interceptèt la pauma e, al cap de la cadena de tenguts, Henderson puntava l’ensag de la victòria: 22-12. Aprèp lo torn de Cup d’aquesta fin de setmana, la partida Dracs-Huddersfield serà doncas gigantèsca lo dissabte 27 a Brutús, ont se parla d’un possible retorn del menaire de jòc Scott Dureau per dins una mesada.
En campionat, calguèt esperar la darrièra segonda en Avinhon, dissabte, per conéisser l’adversari de Pià en mièja-finala: un tombat de lor mesclanha Mark Keirallah balhèt la victòria 29-28 als tolzans.
Dimenge, los dos darrièrs campions s’afrontavan sus la pelena del Molin. Lesinhan perdiá son menaire de jòc, Nathan Wynn, e Carcassona son capitani, Jeremi Guiraud, sus nafradura. Lo mesclanha verd e blanc Carrère puntava dos ensags entre los pals en seguida. Carcassona se rebecava e marcava tres ensags en cinc minutas. Mas Lesinhan tornava prene las comandas abans la pausa sus un ensag en fòrça del pilar Griffi. A la represa, Carrère signava son còp del capèl en recuperant una candèla non mestrejada per l’alièr carcassonés. L’ASC anava signar dos supèrbes ensags amb Vincenç Anderson en cap de revòlta, mas Benausse enquilhava las penalitats per permetre, amb una victòria 35-28, als locals de contunhar la competicion e d’afrontar los Dragonets en mièja-finala. A Carcassona, l’ora es a la decepcion amb una sason mancada ont, mai d’un còp, manquèt pas res mas totjorn un quicomet!
Las mièja-finalas se debanaràn las doas en seguida dimenge 28 d’abril de vèspre a Tolosa.
En Cup, aquesta dimenjada, pel compte dels 1/16ns de finala, los Dracs aniràn afrontar Hunslet e lo TO l’equipa de York.
Alan Roch
En campionat, calguèt esperar la darrièra segonda en Avinhon, dissabte, per conéisser l’adversari de Pià en mièja-finala: un tombat de lor mesclanha Mark Keirallah balhèt la victòria 29-28 als tolzans.
Dimenge, los dos darrièrs campions s’afrontavan sus la pelena del Molin. Lesinhan perdiá son menaire de jòc, Nathan Wynn, e Carcassona son capitani, Jeremi Guiraud, sus nafradura. Lo mesclanha verd e blanc Carrère puntava dos ensags entre los pals en seguida. Carcassona se rebecava e marcava tres ensags en cinc minutas. Mas Lesinhan tornava prene las comandas abans la pausa sus un ensag en fòrça del pilar Griffi. A la represa, Carrère signava son còp del capèl en recuperant una candèla non mestrejada per l’alièr carcassonés. L’ASC anava signar dos supèrbes ensags amb Vincenç Anderson en cap de revòlta, mas Benausse enquilhava las penalitats per permetre, amb una victòria 35-28, als locals de contunhar la competicion e d’afrontar los Dragonets en mièja-finala. A Carcassona, l’ora es a la decepcion amb una sason mancada ont, mai d’un còp, manquèt pas res mas totjorn un quicomet!
Las mièja-finalas se debanaràn las doas en seguida dimenge 28 d’abril de vèspre a Tolosa.
En Cup, aquesta dimenjada, pel compte dels 1/16ns de finala, los Dracs aniràn afrontar Hunslet e lo TO l’equipa de York.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Australia-Novèla Zelanda aqueste divendres 19, a seguir en dirècte a 11h40 sus BeinSport2
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari